ऑफिस आऊटिंग! ड्रीमलँड रिसॉर्ट

ऑफिस आऊटिंग!

~अमित, 17 डिसेंबर 2017

शुक्रवारी फुल-डे ऑफिस आऊटिंग होतं ड्रीमलँड रिसॉर्ट (मुळशी)त. छान स्पॉट आहे. 3 बाजुंनी डोंगरांनी वेढलेला.

भरपूर मोकळी आणि डोंगरांत असूनही सपाट जागा, खालच्या बाजूस मस्त मोठ्ठा आणि स्वच्छ स्विमिंग पूल, टेस्टी फूड, पार्किंगला ample जागा. सकाळी 10 च्या सुमारास आम्ही काही जण बसने तर काही कारने तिथं ( फोटोज काढत काढत!) पोचलो. गेल्यागेल्या मस्त न्याहरी! मग मैदानी खेळ.

आम्ही किती वर्षांनी खोखो खेळलो! सांधे आणि हाडं किती वाईट खिळखिळी झालीयेत हे तिथं समजलं 😫😫 डिसेंबर असूनही दुपारी ऊन बरंच होतं. आपल्याला सवय राहिलेली नाहीय उन्हाची अजिबातच, AC त बसून बसून. दुपारी फुल-टू स्विमिंगही केलं.

रात्री चांदण्यात गप्पाटप्पा. तारकांच्या समूहांवर पण थोडी (गहन) चर्चा 😀 टेंट्स मध्ये निन्नी केली!

थंडी बरीच होती. 👌👌 मस्त एक्सपिरिएंस! 

काल सकाळी 8 ला एकटाच कारने परत निघालो.

सगळं दाट जंगलच आहे तिथं जवळपास. त्या सकाळच्या जंगलाचा आवाज आणि वास अफाट भारी! (समुद्राची जशी 'गाज' तसा ह्या जंगलाच्या आवाजाला पण शब्द असला पाहिजे.) पक्ष्यांची किलबिल, संपत चाललेल्या वाहत्या पाण्याचा आवाज, वाऱ्यामुळे होणारी पानांची सळसळ!👌 एका मोठ्या ओहोळावरच्या पुलापाशी हे झाड वरती आलेलं दिसलं म्हणून थांबून हा फोटो DSLR ने काढला. काटेसावर झाड आहे हे. लाल आणि पांढरा रंग कसला मस्त काँट्रास्टिंग!

त्याआधी एक स्पॉटेड डव्ह (गळ्यावर / मानेवर काळे ठिपके असणारा हलका तपकिरी होला, किंवा छोटं कबुतर. पुण्यात मी कॉलर्ड डव्ह पाहिलेत, पण स्पॉटेड पहिल्यांदाच), आणि Jungle Fowl (रानकोंबडा) विथ फॅमिली पण दिसले होते (5 - 6 पिल्लं (म्हणजे चिक्स!) कसली छोटी, मस्त!), पण कॅम्येरा जवळ न ठेवल्यामुळं फोटोज हुकले. (डिकीत ठेवला होता 'सांभाळून' 😫) खरंतर रस्ता सोडून जंगलाच्या आत शिरून अनुभवलं पाहिजे जंगल. पण त्यासाठी हिंमत हवी 😀 जंगली श्वापदांच्या भुकेच्या वेळा ठाऊक हव्यात, नाहीतर त्यांची न्याहरी आपणच व्हायचे!